FarCargo væntar nú at fáa farmaflogfarið í fyrsta ársfjóringi 2023.
Fyrireikingarnar til farmaflogverkætlanina hjá FarCargo hava, burtursæð frá seinkingum av sjálvum flogfarinum, gingið sum ætlað.
– Eitt nú hevur felagið longu sett part av flogmanningini, sum síðstu mánaðirnar hava verið til kravdar simulator útbúgving í Frankaríki fyri at lúka krøvini til flúgving av Boeing 757 flogtypuni, sigur Birgir Nielsen, stjóri í flogfelagnum.
Harumframt hevur FarCargo arbeitt miðvíst saman við sínum samstarvspartnarum at fáa neyðug viðurskiftið og loyvir upp á pláss, áðrenn sjálv flúgvingin byrjar, sigur hann.
Ætlanirnar at byrja farmaflúgving millum Føroyar og USA við laksi frá Bakkafrost og at bjóða flogfarmatænastur á heimferðini til Føroyar umvegis Danmark eru tí framvegis óbroyttar.
