Tað verða nógv fólk, sum týsdagin í næstu viku, fara á fund við trivnaðarnevndina hjá Løgtinginum og forkvinnuna Katrin Kalllsberg, Tjóðveldi.
nevndin fer tá undir at viðgera spurningin um broytingarnar í hjúnarbandslógini, sum hava við sær, at smkynd kunnu giftast borgarliga.
At málið hevur stóran áhuga er kunnugt og listin á teimum, sum fara á fund í trivnaðrnevndini sigur somu talu.
Fyrst hittir nevndin sálarfrøðingarnar Katrinu Lindenskov Holm og Ásvør Skaalum og síðani kemur fútin, John Jølbæk á gátt.
Ja til Hjúnarbandið er ein felagsskapur, sum trivnaðarnevndin eisini skal hitta umframt umboð fyri samkomuna Lívdin.
Síðani kemur Føroya Kommunufelag á fund og teimum á baki LGBT - felagsskapurin hjá samkyndum. Síðani kemur Amnesty International og Kvinnufelagið í havn.
Tá ið hesar hoyringar hava verið, kemur landsstýriskvinnan við kirkjumálum, Rigmor Dam, saman við bispi, Jógvan Fríðriksson, á fundin. Uppskotið er ikki beinleiðis kirkjuligt, tí sambært uppskotinum, so skulu samkynd bert kunna giftast borgarliga.
Sirið Stenberg, landsstýriskvinna við heilsumálum, skal eisini møta á fundinum saman við umboðum fyri heilsutænastuna Gigna.
Seinast á fundinum við trivnaðarnevndina koma umboð fyri samkomuna Kelduna í Skálafirði á fund.
Fundarrøðin hjá trivnaðarnevndini tekur allan týsdagin í næstu viku.
