Kurvabóltur hevur av álvara vundið upp á seg í Føroyum. Eftir luttøkuna á oyggjaleikunum er áhugin eisini vaksin, og nú eru trý feløg í Føroyum. Hamar og Sporðdrekin halda til í høvuðsstaðnum, meðan tey á Toftum hava sett felagið Ravnur á stovn.
Leygardagin verður fyrsti landskappingardystur spældur. Tá verða tað Hamar og Ravnur, sum bresta saman í høllini í skúlanum við Løgmannabreyt. Dysturin byrjar kl.15.00, og kurvabóltsleikararnir lata frætta, at øll eru hjartaliga vælkomin at hyggja.
