Fyrstu tíðina spældi bólkurin bert til møtir og onnur andalig tiltøk, og tónleikurin var tað, sum sangarin, Birgir, best heldur kann nevnast »bygdatónleikur«.
Seinni gjørdist tónleikurin eitt sindur harðari og tyngri og framførslan hjá I Am í undankappingini á Prix Føroyum í 1999 gjørdist eitt rættiligt gjøgnumbrot fyri bólkin, hóast hann ikki kom víðari.
Í tey tvey árini síðan síðstu Prix kapping hevur bólkurin givið vælumtóktu fløguna »Cast« út, spælt til eina ørgrynnu av tiltøkum, harímillum á Ólavsøkukonsertini og á Broadway og Laugardalshøllini í Íslandi.
Tónleikararnir í I Am eru:
Birgir Ingolf Sigurðsson sang
Eyðbjørn Jacobsen bass
Hans Ove Johansen trummur
Heðin Olsen keyboard
Mikkjal Hvannastein gittar
