Fagnaðu Bakkanes á Glyvrum

Talan var um hátíðarliga móttøku, tá ið nýggja skipið hjá Bakkafrost, Bakkanes, fyri fyrstu ferð legði at bryggju á Glyvrum

Í gjár klpokkan 15.00 var hátíðarlig løta hildin í sambandi við móttøku av Bakkanes, nýggja skipinum hjá Bakkafrost. Bakkanes fer eins og hini skipini hjá Bakkafrost at virka í alivinnuni. Skipið verður royndarsiglt í Føroyum, áðrenn farið verður til Skotlands.

 

Fleiri røður vórðu hildnar m.a. Regin Jacobsen, stjóri á Bakkafrost, Magnus Rasmussen, landstýrismaður, Tórbjørn Jacobsen, borgarstjóri og Terji Vestergaard, formaður í Vinnu- og Havnarnevndini. Nes Sóknar Musikkfelag spældi nøkur løg, og Terji Vestergaard og Sonja Ingolfsdóttir Jacobsen framførdu. Ein drekkamunnur var at fáa og møguleiki var at vitja umborð.

 

tekstur og mynd: Runavíkar havn

 

Fleiri myndir frá hátíðarhaldinum síggjast her

 

https://www.facebook.com/portofrunavik.fo/photos/pcb.832652127309248/832651700642624