Í annaðkvøld, mikukvøldið, fara ungir tónleikarar í Eysturoy at hava eina konsert í býráðshøllini í Runavík.
Talan er um næmingar, sum skulu vera við í Stella Polaris kappingini í Norðurlandahúsinum næsta vikuskifti.
Stella Polaris er ein kapping ímillum ungar tónleikarar, sum spæla klakssiskan tónleik og á konsertini í Runavík klokkan 19 í annaðkvøld verða tað luttakarar úr musikkskúlunum í Fuglafirði og á Nesi, sum fara at spæla.
Á skránni eru verk eftir Gabriel Faure, Andrew Lloyd Webber, Mozart, og onnur. Konsertin er bæði almenna og ókeypis.
|
