ÍF vann uppiborið 3-0. Eingin ivi um tað.
Øssur Dalbúð, sum er toppskjútti hjá fuglfirðingum, skeyt tvey av málunum, og Bartal Eliasen stóð fyri fyrsta málinum, tá hann umsetti brotsspark til mál.
B71 er nú bara eitt stig framman fyri FC Suðuroy, sum vann fulla úrsøku um vikuskiftið.
Fuglfirðingar, nummar fimm, eru ájavnir við Víking, sum er nummar fýra, á stigatalvuni. Bæði liðini hava 40 stig, og málmunurin hjá Víkingi er +9, og hjá ÍF +8.
Fjórða plássið ber atgongumerkið til evropiskan fótbólt við sær.
Um tað verður Víkingur ella ÍF, sum fer at vinna fjórða plássið, verður ikki minst avgjørt í 27. og seinastu umfarinum, tá grannarnir hittast í Sarpugerði.
Í 26 .umfari fær ÍF vitjan av HB, og Víkingur skal spæla á útivølli móti FC Suðuroy.
