Tað er rættulig ferð í fuglfirðingum, sum framvegis anda FSV04 í nakkan í stríðnum um annað uppflytingarplássið.
Í dag vann ÍF 7-1 (3-0) á SÍ í Fuglafirði.
Talan var um einvegis ferðslu. Miðskeiðis í 1. hálvleiki setti verjuspælarin Viggo Johannesen hol á, og so øktu Helgi L. Petersen og Bartal Eliasen um munin.
Í 2. hálvleiki minkaði Jens Erik Rasmussen um munin til 3-1, og seinna partin av 2. hálvleiki skoraði ÍF fýra mál: Bartal Eliasen, Nenad Zaric, Árni Petersen og Helgi L. Petersen.
