Leygarnáttina fekk løgreglan í Vágunum fráboðan um harðskap í eini veitslu í Sørvági. Ein varð skallaður so illa, at hann mátti undir læknahond.
Løgreglan veit, hvør gerningsmaðurin er, men hevur ikki funnið hann enn, hóast hon hevur roynt at leita í Vágunum.
Somu nátt varð læknin aftur boðsendur til dansin í Miðvági, har ein var dottin so illa, at hann hevði fingið eina rivu í andlitið.
Herverk varð eisini framt leygarkvøldið á Hotel Vágum. Onkur hevði brotið tann stóra rútin við høvuðsdyrnar, men løgreglan tekur ikki tað málið upp, tí eigarin greiðir sjálvur málið.
