Í 2015 setti svenska stjórnin sær fyri at seta sínar flóttafólkareglur niður á minstamarkið í ES-lógini um friðskjól.
Avleiðingarnar av hesum síggjast nú aftur á nýggju hagtølunum hjá Eurostat.
Seinastu árini hevur Svøríki verið tað ES-landið, sum fær flestar umsóknir aftaná Týskland. Nú taka sjey ES-lond ímóti fleiri umsóknum.
Aftaná Týskland eru tað nú Italia, Frakland og Grikkaland, sum fáa flestar umsóknir um friðskjól.
Í Norðurlondum søkja tó enn flest fólk um friðskjól í Svøríki.
Sambært Eurostat søktu í miðal 1798 fólk um friðskjól í Svøríki um mánaðin millum januar og mai. At sammeta, søktu 406 í Finnlandi, 398 í Noregi, 244 í Danmark og 70 í Íslandi.
