Danskir greinarar høvdu roknað við, at støðugt fleiri vinnufyritøkur máttu fara á húsagang fyrra hálvár í ár orsakað av skuldarkreppuni, men nýggj tøl hjá donsku hagstovuni vísa, at so er ikki. Tvørturímóti vóru húsagangirnir í april 337 í tali ímóti 453 í mars.
Steen Bocian, sum er búskaparfrøðingur hjá Danske Bank, heldur, at tann óvanliga lága rentan ger tað møguligt hjá fleiri fyritøkum at berja seg ígjøgnum kreppuna. Harafturat eru tær veikastu fyritøkurnar longu falnar av kreppuni, sigur hann, og ein triðja orsøk er, at tann privata nýtslan er farin at veksa spakuliga.
