- Vit hava havt eitt royndarár til at finna fram til, hvat hin føroyski marknaðurin vil hava, og hvør príslegan kann vera. Føroyski ísurin er gjørdur 100 prosent við mjólk. Hetta ger ísin dýrari at framleiða, men tað er fyrstafloks ísur, sum verður gjørdur.
Tað sigur Kenneth Ellefsen, sum rekur isur.fo.
Fyri páskir vóru íslagkøkur framleiddar, og tær vórðu allar seldar eftir stuttari tíð. Hetta er nakað, sum isur.fo fer at gera meira við.
Nú várið er komið, og sólin kagar fram, fer ísur.fo at framleiða churros, tey rópa.
– Vit gera churros eftir orginalari uppskrift frá Alfonco, sum framleiðir churros á torginum í Meksiko býi. Hansara churros eru sera væl umtóktar har, og vit eru sera heppin at sleppa at framleiða somu churros her í Føroyum, sigur Kenneth Ellefsen.
Seinasta fríggjadag var royndarframleiðsla av churros og ísi, og alt varð selt fyri lukkitíð.
– Hesa vikuna byrjar vikuskiftið tíðliga. Vit hava gjørt av, at vit fara at selja okkara væl umtókta churros og ís mikudagin, hósdagin og fríggjadagin frá klokkan 14 til 21. Alt er heimagjørt - og gjørt við kærleika, sigur Kenneth Ellefsen.
Fyri at sleppa undan, at ov nógv fólk koma at standa í kø, ber til at bílegga churros og ís á heimasíðuni www.isur.fo, og so kann vøran heintast á Bacalao.
##med2##
