Í hesum døgum liggur gamla Norrøna, sum nú eitur Logos Hope, í Bangkok, og har hevur hon vakt ans.
Ein føroyingur, sum arbeiðir uttanlands, hevur víst okkum á drúgva grein í Bangkok Post í dag, har tey fegnast um vitjanini.
Har gera tey nógv burtur úr, at heimsins størsti, flótandi bókahandil, sum tey nevna Logos Hope, er komið til Bangkok við yvir 5000 bókum í handlinum, har av tað mesta eru barnabøkur av ymsum slagi.
Men tað besta við bókhandlinum á Logos Hope, er, at bøkurnar eru serstakliga bíligar, tí endamálið við bókasøluni á Logos Hope útvega teimum minni mentu kring heimin, bøkur.
Talan er sostatt um eitt vælgerðandi tiltak, verður dyggiliga stuðlað ymstaðstaðni og sum sostatt ikki skal kasta vinning av sær.
Ì Bangkok er vitjanin so høgt í metum, at tað var ongin annar enn sjálvur kenslumálaráðharrin, Phongthep Thepkanjana, sum var heiðursgestur umborð, ið læt bókhandilin upp.
Hann segði í røðu síni at í Bangkok lesa tey bara tríggjar til fimm bøkur um árið og tí var eitt skip, sum Logos Hope, kærkomin gestur.
Logos Hope hevur siglt undir føroyskum flaggi, men tað ger hon ikki longur, tí tað var ov dýrt at hava hana skrásetta í Føroyum av teimum krøvum, sum verða sett.
Í 2011 varð hon tískil skrásett á Malta og við skipinum eru 400 fólk úr næstan 50 londum.
Myndin er úr Bangkok Post og er av Logos Hope á við at bryggju í Bangkok.
