Tað skal verða bannað at manna føroysk fiskiskip við undirløntari útlendskari manning, sigur Javnaðarflokkurin, sum nú leggur uppskot fram um málið.
Talan er um sama uppskot, sum fall fyri einum ári síðani, men Javnaðarflokkurin leggur tað nú fram einaferð aftrat, so allar manningar á føroyskum skipum verða løntar eftir føroyskum sáttmála.
Tað ætlar Javnaðarflokkurin at tryggja við eini broyting í lógini um vinnuligan fiskiskap, so treytin fyri at fáa og varðveita fiskiloyvi er, at manningin verður lønt eftir teimum sáttmálum, sum eru galdandi á føroyska arbeiðsmarknaðinum.
Hoyr Aksel V. Johannesen grundgeva fyri uppskotinum:
