Filmsgrunnurin, sum Norðurlandahúsið og Klippfisk stovnaðu fyrr í ár, hevur nú latið stuðul til teir fyrstu føroysku filmarnar
Áhugin at gera føroyskan film er stórur, og Filmsgrunnurin fekk 20 umsóknir um stuðul.
Tilsamans varð søkt um 936.000 krónur.
Í hesum umfari gjørdi nevndin av at lata tilsamans 155.000 krónur í stuðli til sjey verkætlanir.
Talan var um fýra frásøgu stuttfilmar, ein dokumentarfilm, ein listarfilm, umframt ein film einum ungum, evnaríkum spíra.
Tað verður ein møguleiki afturat at søkja stuðul í ár, tí næsta tíðarfreist at søkja um stuðul úr Filmsgrunninum er 1. september.
Tey, sum fingu stuðul úr Filmsgrunninum hesuferð, eru:
Sakaris Stórá fekk 40.000 krónur til stuttfilm
Andrias Høgenni fekk 15.000 krónur til stuttfilm
Heiðrikkur á Heygum fekk 25.000 krónur til stuttfilm
Anton Petersen fekk 35.000 krónur til stuttfilm.
Torfinnur Jákupsson fekk 20.000 krónur til dokumentarfilm.
Marianna Mørkøre og Rannvá Káradóttir, sum sæst á myndini, fingu 17.000 krónur til listafilm.
At enda fekk Rani Petersen 3.000 krónur til stuttfilm.
Nevndin heldur, at hann, sum ungur evnaríkur spíri, eigur at fáa hetta herðaklappið.
