Fríggjadagin verður Altjóða Kvinnubønardagur hildin kring allan heim.
Hetta er eitt felagskristiligt tiltak, har kvinnur úr 170 ymiskum londum og úr ymiskum samkomum og kirkjum koma saman í bøn.
Eisini í Føroyum verður dagurin hildin.
Tað verður við fundum klokkan 19.30 í Evangeliihúsinum í Havn, Christianskirkjuni í Klaksvík, missiónshúsinum í Vestmanna og í missiónshúsinum í Vági og har eru allar kvinnur vælkomnar, siga fyrireikararnir.
Í ár eru tað kvinnurnar í Fraklandi, sum hava lagt skránna til rættis og evnið á degnum er: Eg var fremmandur, og tit tóku ímóti mær.
