Í dag letur upp framsýning í Listaskálanum. Hetta er sýningin Stella Polaris 99, har norðurlendsk myndafólk luttaka og kappast.
Á framsýningini luttekur ein føroyingur. Kirsten Olsen átti eina av teimum 208 fotomyndunum, ið dómararnir valdu út millum tær 1641 innkomnu myndirnar.
Kirsten Olsen kallar mynd sína Basalt med Variationer og hon er at síggja í Listaskálanum frá 10. til 18 juli. Mánadag til fríggjadag er sýningin opin frá klokkan11 - 17 og leygardag og sunnudag frá 14 til 17.
