Eingin hevur sæð 31 ára gamla Levi Jason Bech síðan fríggjamorgunin. Hann býr í danska býnum Ribe, og í dag hevur løgreglan í Suðurjútlandi eftirlýst unga porkeriningin.
Í eftirlýsingini vísir løgreglan á, at Levi er sálarliga sjúkur og hevur tí tørv á sínum heilivági. Sagt verður, at hann fór frá húsum í Ribe á morgni fríggjadagin. Sambært TV2 hevur løgreglan funnið út av, at hann hevur verið á tokstatiónini í Odense í nátt um 03-tíðina. Í hesum sambandi er løgreglan á Fyn eisini uppíblandað, men mann veit ikki, um Levi enn er á Fyn.
Løgreglan heitir á øll um at ringja til 114, um mann sær ella veit okkurt um hetta.
DAGFØRING 22:15: Levi er funnin
