Føroyingur debuterar á donskum

Mótsetningurin millum bygd og stórbý er millum evnini í fyrstu skaldsøguni hjá Tórunn Karinu Henriksen, sum hon hevur skrivað á donskum

Anna V. Ellingsgaard

26.01.2010 (17:42)

<style type="text/css">  </style>   <o:p> </o:p> Í næstum kemur út nýggja skaldsøgan Månelyset viste vej um ungu Leu, sum flytur úr lítlu heimbygd síni til stórbýin í eini roynd at rista sína fortíð av sær. Skaldsøgan er skrivað á donskum, men høvundurin sjálv, 34 ára gamla Tórunn Karina Henriksen, er í allar mátar føroysk - fødd og uppvaksin á Válinum í Vestmanna. - Tað fellur mær lættari at skriva á donskum enn á føroyskum. Eg havi búð í Keypmannahavn í níggju ár og búði eisini niðri, tá eg byrjaði at skriva bókina, sigur Tórunn Karina Henriksen, sum nú er flutt aftur til Føroyar. Í bókini fylgja vit ungu Leu, sum tekur sær av øllum húsarhaldinum í barndómsheiminum. Til endan fær hon tó nokk av ótakkseminum hjá mammuni, og ger av at flýggja. Í loyndum plagar hon at vitja Gerdu, sum býr í einum skógi nærindis. Gerda er eisini tann einasta, sum kann hjálpa henni nú at sleppa burtur. Onki gongur tó eftir ætlan ta náttina, Lea skal flýggja og skjótt er Lea á veg til eitt heilt annað stað, har hon fær nýggjar avbjóðingar. Har finnur hon eisini kærleikan, men ikki á ein hátt, hon hevði vónað. <o:p> </o:p> Kennir seg aftur í Leu Hóast skaldsøgan ikki er sjálvbiografisk, kennir høvundurin seg sjálva aftur í onkrum av tí, sum Lea upplivir. - Eg vil ikki siga, at mín føroyska bakgrund spælir nakran serligan leiklut í søguni. Kortini er tað so, at høvuðspersónurin kemur frá einari lítlari bygd til ein stóran bý, og hendan kontrastin millum bygd og bý er ikki ókend fyri mær, sigur Tórunn Karina Henriksen. Avgerðina hjá ungu Leu um at fara heimanífrá lýsir hon soleiðis í bókini: »Aldrig havde Lea været så sent ude før. Hun var ved at lægge landsbyen bag sig. Hun vendte sig om en sidste gang for at betragte sin barndoms by. Den lå henlagt i mørke, og der var ikke lys i nogen vinduer. Hun tog afsked med sit gamle liv, alt i mens hun følte en nagende skyld over at efterlade sine to små brødre i stikken. Men hun vidste, at hun ikke kunne handle anderledes, hun måtte brænde alle broer bag sig. De var jo drenge, de ville klare sig. Hun kunne mærke tårerne brænde i sine øjne, mens hun vendte Serwin ryggen. Foran hende lå Dunkle Skyggeskov, og nu var Lea glad for, at der var fuldmåne.«? <o:p> </o:p> Nógv evni Tórunn Karina Henriksen fór av álvara undir at skriva í 2004 og droymir um at virka sum rithøvundur burturav. Og okkurt bendir á, at høvundurin hevur nógv at oysa av, tí hennara fyrsta bók kemur víða um - Eg fór undir at skriva hesa bókina, tí eg fegin vildi fortelja eina góða søgu. Bókin snýr seg um fleiri evnir, til dømis familjuviðurskifti, kærleika, vinarbond og sosial viðurskifti. Boðskapurin er javnrættindi, hetta av vit skulu hava somu rættindi, at vit øll eru líka, sigur Tórunn Karina Henriksen  Månelyset viste vej kemur út á danska forlagnum Mellemgaard 8. februar. <o:p> </o:p> <o:p> </o:p>

Føroyingur debuterar á donskum

Mest lisið

Løgreglan: Soleiðis kanst tú ikki uppføra teg í Føroyum

Gekk og rópti og geylaði

Útróðrarbátur sakk í Finnmørkini

Loni Anderson deyð

Vit eru fá starvsfólk tí sæst beinanvegin um onkur haltar

Urð í Listastovuni í Miðvági

Palestina - eingin varandi loysn?

Peter Bredsdorff-Larsen og HSF leingja sáttmálan

Verjið Vátlendini – eisini tey á Sandi!

Hvar er ágrýtnið hjá leiðsluni?