Í vikuni frættist, at føroyingurin, Asbjørn Magnussen, sum er búsitandi í Hirtshals, hevði keypt nóta- og trolskipið Gitte Henning.
Seinni í vikuni skrivaði FiskerForum, at Fríðálv Tindskarð, ið er føroyingur, sum eisini býr í Hirtshals, hevur keypt nóta- og trolskipið Belindu.
Belinda hevur verið heimahoyrandi í Hanstholm. Skipið er smíðað í 1975, men fekk eina stóra umbygging í 2008.
Heimasíðan hjá Jóanisi Nielsen skrivar, at Fríðálv Tindskarð frammanundan eigur skipið Beinur.
- Kvoturnar hjá Belindu verða nú fluttar yvir á Beinur, og síðan skal Belinda seljast aftur, sigur Fríðálv Tindskarð við heimasíðuna.
