Nú týsdagin byrjar HM í svimjing á stuttgeil í kanadiska býnum Windsor. Føroyingar eru við í kappingini, og føroyska ferðalagið er nú komið fram í øllum góðum.
Føroyski hópurin eru Sára Ryggshamar Nysted úr Suðuroyar Svimjifelag, Óli Mortensen úr Havnar Svimjifelag og Pál Joensen úr Suðuroyar Svimjifelag. Óli og Pál búgva tó í Danmark.
Afturat teimum trimum svimjarunum, so er Jón Bjarnason við sum venjari, Rókur í Jákupsstovu sum formaður og Anita Ryggshamar Nysted sum ferðaleiðari.
in.fo fer sum vera man at fylgja við HM-kappingini, sum fer av bakkastokki nú týsdagin.
