Eins og í 2002, so verður tað í Brauhaus Ernst August, at føroysku viðhaldsfólkini møtast undan dystinum.
Væl eydnaða samstarvið millum føroysku viðhaldsfólkini og Brauhaus Ernst August heldur fram, tíggu ár síðani tað byrjaði. Tað var her, at føroysku viðhaldsfólkini møttust undan minniliga dystinum móti Týsklandi tann 16. oktober í 2002.
Í Brauhaus vænta tey at síggja einar eitt hundrað føroyingar í kvøld, og ikki færri enn 500 í morgin undan dystinum. Tað verður her, at 12. Maður skipar fyri upphiting.
Brauhaus liggur á Schmiedestrasse 13 í miðbýnum í gamla býarpartinum.
Brauhaus Ernst August hevur eisini eina Facebook síðu, sum kann vitjast HER
