Føroyar hava vunnið seg í hálvfinaluna í liðkappingini í badminton. Tað gjørdist greitt aftaná Bartal Poulsen hevði vunnið singluna hjá monnum við 2-0 (21-10 og 21-12). Rannvá Karlsson vann eisini 2-0 í singluni hjá kvinnum, men hon mátti arbeiða fyri sakini í øðrum setti. Fyrra settið vann Rannvá greitt 21-9, meðan seinna settið endaði tepurt 22-20.
Fyrr í dag gjørdu Føroyar slætt borð og vunnu 5-0 á Hetlandi.
Bartal Poulsen og Niklas Eysturoy vunnu harradouble-dystin 2-0. Fyrra settið var sera javnt og spennandi og endaði tepurt 24-22. Í seinna settinum vóru Bartal og Niklas trygt 21-14.
TRÝST á PÍLIN undir MYNDINI, og hoyr landsliðsvenjaran, Arathra Nandy taka samanum avrikið hjá Bartali, Niklasi og Rannvá.
