Føroyar vertur fyri Vest­norden Travel Mart

Løgmaður setur til­tak­ið tý­s­morg­un 13. sep­tem­ber klokkan 9.00 í Norð­ur­land­a­hús­i­num. Vest­norden Travel Mart er týdn­ing­ar­mesti sýn­is­gluggi innan ferðavinnu fyri tey trý londini Føroyar, Ís­land og Grønland í NATA sams­tarv­i­num. Hetta er 26. ferð at ti­l­takið verð­ur hild­ið. Vis­it­Far­o­e­Is­lands (Utt­an­ríkis­ráð­ið) fyriskipar tiltakið, sum er í Føroyum 4. hvørt ár.
– Hetta er annað stóra ferð­a­vinn­u­til­tak­ið í Føroyum í ár og nú verða Føroyar karm­ur um enn eitt stórt til­tak á­ ferð­a­vinn­u­økinum. ­Vest­norden Travel Mart er eitt gylt høvi hjá Føroyum at vísa ferðasmiðjum og sølu­um­boð­u­­m úr øllum heiminum tað besta Føroyar hava at bjóða, sigur Kaj Leo Holm Jo­hann­e­sen, løgmaður.
Í ár hava fyrireikararnir sum nakað nýtt valt at skipa fyri einum evnisdegi sum part av tiltakinum. Kendi fut­ur­ist­urin, Anne Lise Kjær, fer at røða um framtíðarrák og tær av­bjóðingar, sum veit­arar av ferðavinnu hava í fram­tíðini, m. a. hvussu vit í út­norðri kunna skilja ok­k­um burturúr mongu ferð­a­mál­u­num í heiminum.
Sjálv ferðavinnumessan verð­ur í Høllini á Hálsi, men tiltøk verða annars aðra­staðni í býnum, so sum í Norð­ur­landahúsinum og Müll­ers Pakkhúsið.
Luttøkan í ár liggur á sama støði sum undanfarin ár við útvið 300 útlendskum gest­um. Ein fjórðingur av keyp­a­runum, ið taka lut í ár, hava ikki verið á Vestnorden Trav­el Mart áður, og tískil er hetta ein møguleiki hjá lut­tak­ar­u­num at skapa nýggj sam­bond.
Keypararnir koma úr alla­ri verðini, bæði frá hinum norð­ur­lond­unum ­og Evropa, men eis­ini úr Australia, Japan, Kina, Kanada, Russlandi og USA.
Nakað av fjølmiðlafólkum verða eisini við, hesi umboða ferð­a­vinnubløð í Danmark, Noregi, Russlandi, Italia og Grøn­landi.
Ferðavinnutiltakið er ikki opið fyri almenninginum, men av tí at fyrireikararnir hava fingið fyrispurningar um atgongd til fyrilesturin hjá Anne Lise Kjær, verða nøk­ur fá atgongumerki seld til fyrilesturin. Fyrilesturin, ið hev­ur heitið »A Good Story will Always Win« verður í Nor­ð­urlandahúsinum 13. sep­tem­ber kl. 9.00. At­gong­u­merk­ini geva bert atgongd til fyr­i­lest­urin og ikki til Vest­norden Travel Mart annars.