Eyðun Klakstein
Tíðindi úr fótbóltheiminum frættast skjótt kring Europa, og ikki minst, tá talan er um óvæntað úrslit í landsdystum.
Soleiðis var eisini sunnudagin - 10 ár eftir minniliga sigurin á Eysturríki - tá Føroyar á merkisverdan hátt høvdu klárað javnleik ímóti Slovenia. Tað gekk ikki long tí áðrenn útlendskir fjølmiðlar kundu bera boðini um javnleikin.
Danska Ekstrablaðið segði sunnukvøldið í eini yvirskrift, at tað var "Chockstart af Færøerne", og teir halda als ikki, at tað var so løgið, at Føroyar spældu so væl ímóti Danmark.
Ritzau skrivaði: "Der udbrød folkefest på Færøerne søndag, da den færøske landsholdspiller Ossur Hansen i det sidste minut hamrede et frispark i målet forbi den slovenske målmand Marko Simeunovic. Med scoringen klarede Færøerne overraskende 2-2 hjemme mod Slovenien i en kvalifikationskamp til VM i fodbold."
Ritzau slær eisini fast, at tað finnast ikki longur lættir dystir í altjóða fótbólti.
Eitt bragd
Íslendska Morgunblaðið kallar føroyska úrslitið óvæntað, meðan norðmenn taka ógvusligari til. Verdens Gang skrivar, at tað var eitt bragd, at føroyingar kláraðu at javna leiðsluna hjá slovenum eftir fáum minuttum.
"Det er øyboernes største bragd siden den historiske 1-0-seieren mot Østerrike for ti år siden," skrivar VG.
Blaðið heldur fram: "12, september 1990 vant Færøyene sin aller første kvalifiseringskamp mot et østerriksk lag som kom rett fra VM-sluttspill, selv om de måtte spille «hjemmekampen» i svenske Landskrona. Jubileet feiret de ved å stoppe de et slovensk lag som var med i sommerens EM-sluttspill."
Størstu hetjurnar
Danska Berlingske Tidende heldur, at tað føroyska avrikið var tað besta í landsdystunum um vikuskiftið:
"Endnu et godt resultat af landstræner Allan Simonsens tropper, der endte med at blive de største helte af alle i weekendens europæiske kvalifikationskampe," skrivar blaðið.
Sviiar halda, at tað var ein sensatión, at føroyingar megnaðu at koma afturíaftur, eftir at hava verið aftanfyri 2-0.
"Resultatet är en av Färöarnas största skrällar genom tiderna. Den största kom när lilleputtnationen besegrade Österrike i Landskrona 1990 i kvalet till EM-slutspelet i Sverige 1992. I det senaste EM-kvalet spelade Färöarna också 1-1 hemma mot Skottland. Den här poängen var dock en större prestation," skrivar svenska blaðið.
