Ein kundi gitt, at SAS vildi roynt at flogið leiðina millum Føroyar og Danmark, sum Mærsk millum onnur hevur roynt fyrr. Hetta avsannar tó Jens Langergaard fyri Sosialinum.
- Vit hava ikki ætlanir og heldur ikki áhuga í at royna okkum í Føroyum, sigur Jens.
Hann greiðir frá, at marknaðurin er ov lítil, og umstøðurnar ov vánaligar í Føroyum.
- Føroyar eru ein lítil marknaður. Vit eru nøgdir við okkara marknað í løtuni, og vit hava ikki áhuga í at fáa virksemi í Føroyum.
- Fortreytirnar hjá okkum at flúgva til Føroya eru ikki til staðar. Vit hava ikki nógv flogfør, sum kunnu lenda í Føroyum. Tey flestu eru alt ov stór. Veðurlíkindini gera tað mangan trupult at lenda og koma úr Føroyum aftur, og vit kunnu ikki liva við, at okkara flogfør eru føst í Føroyum, sigur Jens Langergaard at enda við Sosialin.
