Føroya Bjór hevur í ár bryggjað bjór í 120 ár. Í hesum sambandi verður ein avmarkað nøgd av fýra sløg av special bjóri bryggjað
Tann fyrsta í røðini er ein írskt inspirerað Ale 4,6% abv. Bryggjað við úrvaldum rávørum, fleiri ymiskum maltsløgum, vatni og kryddað við trimum humlusløgum.
Bjórið hevur fingið heitið Sct. Brigid. Sct Brigid er írskt halgimenni, sum livdi frá ár 453 til 523. Hon var kend fyri síni mongu undur, serliga at gera vatn til bjór.
Sct. Brigid verður at fáa á fati ávís støð í landinum hetta vikuskiftið og seinni kemur hon eisini á fløsku.
