Føroya Banki og Suðuroyar Svimjifelag hava skrivað undir stuðulsavtalu, sum inniber, at Føroya Banki er høvuðsstuðul hjá Suðuroyar Svimjifelag í eitt ár.
Stuðulsavtalan millum SuSvim og Føroya Banka umfatar allar svimjarar hjá felagnum, og inniber millum annað, at svimjararnir bera búmerkið hjá Føroya Banka á sínum búnum.
Bent Albinus, økisleiðari bankans í Suðuroy og Marlon Kjærbo, formaður í SuSvim, undirskrivaðu herfyri avtaluna á deildini hjá Føroya Banka á Tvøroyri.
Avtalan kemur í gildi 1. juli í ár.
