Tvey ferðafólkaskip hava lagt at í Tórshavnar kommunu í dag. Bæði eru tey regluligir gestir her í Føroyum.
Við molan liggur Mein Schiff 3, sum longu er her fyri aðru ferð í ár. Hon legði at í Havn í morgun, við 2.500 ferðafólkum umborð, og fer avstað aftur um hálvgum átta-tíðina í kvøld.
Á Langasandi liggur Magellan, sum longu hevur verið tríggjar ferðir áður við bryggju í Havn. Skipið lá eisini í Klaksvík 26. juni. Við Magellen eru 1.500 ferðafólk.
Tískil eru 4.000 ferðafólk komin til Føroya við skipunum báðum í dag.
Afturat hesum lenda átta ferðafólkaflogfør í Vágum í dag.
Felags fyri Magellan og Mein Schiff 3 er eisini, at hvørgin teirra kemur aftur til Havnar í ár. Mein Schiff 3 leggur tó at í Runavík 21. juli.
