Fótbóltur
Hóast føroyska fótbóltslandsliðið hevur tapt tveir dystir, síðani FIFA listin seinast varð almannakunngjørdur, so er liðið farið fýra pláss fram.
Á listanum fyri juni eru Føroyar sostatt á einum 119. plássi. Fyri tveimum mánaðum síðani var støðan annars tann, at Føroyar vóru nummar 115, men í mei fóru fleiri aðrar tjóðir fram við okkum, tá hesar fingu góð úrslit, meðan okkara ikki spældu.
Danmark aftur fremst
Í norðurlendskum høpi kann nú staðfestast, at Danmark aftur eigur sterkasta landsliðið. Seinastu árini hava annars bæði norðmenn og sviar verið framman fyri danir í hesum, men nýggi Olsen-bandin hjá teimum reyðu hevur fingið góð úrslit seinasta árið, meðan tað sama so avgjørt ikki kann sigast um norðmenn.
Annars er oddurin á styrkislistanum at kalla óbroyttur, eftir at Frakland nú hevur yvirtikið fremsta sessin.
Niðanfyri framganga tíggju tey ovastu londini á styrkislistanum saman við norðurlendsku umboðunum. Tølini í klombrum eru styrkismetingarnar frá mei mánaði.
1 Frakland (1)
2 Brasilia (2)
3 Argentina (3)
4 Italia (4)
5 Portugal (5)
6 Spania (6)
7 Kekkia (7)
8 Týskland (9)
9 Holland (8)
10 Paraguei (10)
16 Danmark (20)
18 Noreg (17)
21 Svøríki (21)
52 Ísland (55)
59 Finnland (57)
119 Føroyar (123)
