Posta gevur í dag út ikki færri enn seks nýggj frímerki tvey um ferðavinnu og fýra um skrímsl. ber
Fyrstu tvey merkini bera heitið Europa 2012 vitjið Føroyar, og er eftir myndum sum myndamaðurin Eyðbjørn Jacobsen hevur tikið. Áljóðandi virði eru 6,50 og 10,50 krónur.
Hetta er partur av teim sonevndu Europa-frímerkjunum, har londini í Evropa geva út frímerki við felags evni. Í ár er evnið ferðamannamál.
Annað frímerki vísir ein skjóttgangandi bát undir Beinisvørði, og hitt vísir vakra landslagið á Trøllanesi.
Onnur røðin sum kemur út í dag ber heitið Skrímsl og avmynda ávíkavist grýlu, marra, niðagrís og fjørutrøll. Hesa røðina hevur listamaðurin Edward Fuglø gjørt.
