Fýra føroyingar við í frálíkum FIF-sigri

Eftir at Niklas Højgaard Hanusarson er vendur aftur til H71 eru nú fýra føroyingar eftir í FIF í donsku fyrstu deild.

Rói Berg Hansen og Jónas Gunnarsson Djurhuus høvdu spælt flestu av teimum 11 fyrstu dystunum í kappingarárinum, har FIF stríðist sítt ítasta fyri at sleppa undan niðúrflyting.

Eirikur Simonsen hevur stríðst við skaða ein stóran part av kappingarárinum, men í dag slapp hann upp í part, tá ið FIF vann sera týðandi sigur á Odder í botnstríðnum við heili 34-24 eftir 15-15 í hálvleikinum.

Eirikur Simonsen spældi fyri aðru ferð við FIF í ár, og hann takkaði fyri við trimum umráðandi málum.

FIF skrivar á Facebook í kvøld, at málið sum Eirikur Simonsen skoraði til 32-22 kundi nevnast sum eitt uppskot til ársins mál.

Rói Berg Hansen skoraði fýra mál, meðan Jónas Gunnarsson Djurhuus skoraði eitt mál.

Tòraldur Kollsker var eisini á leikaralistanum fyri fyrstu ferð í ár.

Við sigrinum minkaðu føroyingarnir í FIF um munin til Odder, sum liggur beint omanfyri niðurflytingarstrikuna. Munurin er nú bert tvey mál í sera tætta stríðnum.

Støðan í donsku 1. deild (haandbold.dk):

Tvey tey fremstu liðini flyta beinleiðis upp. Trý tey niðastu flyta beinleiðis niður.