Sum in.fo visti at siga fyri viku síðani, so fekk NSÍ danska verjuleikaran, Viktor Wagner Pedersen, at royndarvenja í felagnum. Royndartíðin hjá 20 ára gamla leikaranum, sum seinast hevur spælt við Thisted, er nú av, og avgerð tikin um at hann ikki verður knýttur at hópinum.
Tað váttar formaðurin í NSÍ, Sonni L. Petersen, fyri in.fo í kvøld. Hann sigur, at um felagið skal gera sáttmálar við útlendskar leikarar, so skulu teir vera ein greiður styrkur av núverandi liðnum, og at tað ikki varð mett at vera støðan í hesum føri.
NSÍ-formaðurin segði við in.fo herfyri, at ætlanin er at styrkja um verjupartin. Hóast tað eru avmarkaðir møguleikar í løtuni, so fer NSÍ at halda fram við at leita.
- Vit eru opin fyri tí, sum rørist, sigur Sonni L. Petersen.
