Sum samtykt á eyka kommunustýrisfundi í gjár, hevur valstýrið fyri Sjóvar kommunu fíntalt atkvøðurnar frá kommunuvalinum um aftur í dag.
- Úrslitið varð, at eingin broyting er í kunngjørda valúrslitinum, veit valstýrið fyri Sjóvar kommunu at siga eftir nýggju fínteljingina seinnapartin í dag.
Lagt verður aftrat, at teir, sum sostatt eru valdir at stjórna Sjóvar kommunu næstu fýra árini, eru:
Artur Johansen, afturvaldur við 103 atkvøðum
Adras Róin, nývaldur við 71 atkvøðum
Rógvi Reinert Djurhuus, nývaldur við 58 atkvøðum
Jóannes Markná, nývaldur 53 atkvøðum
Steingrímur Jacobsen, afturvaldur við 50 atkvøðum
Súni F. Olsen, afturvaldur við 44 atkvøðum
Hans Anders Jacobsen, nývaldur við 42 atkvøðum
Nýggja bygdaráðið fyri Sjóvar kommunu tekur við hin 1. januar 2020.
Tað var ein borgari í kommununi, sum heitti á bygdaráðið um, at atkvøðurnar frá kommunuvalinum vórðu taldar av nýggjum, og hesi áheitan gekk bygdaráðið á møti.
Í dag hevur valstýrið so boðað frá, at fínteljingin broytti ikki kunngjørda valúrslitið.
