Klaksvíkingar og KÍ legan hava upp undir steypafinaluna funnið fram til sítt konsept, hvussu tað skal ganga fyri seg fram ímóti steypafinaluni – bæði kvøldini og dagarnar upp undir finaluna og í dag.
Víkingar hava verið í finaluni fýra tey seinastu árini, og tað hevur gingið sum eftir ánni, tí Víkingur hevur vunnið allar ferðirnar.
Í hesi vikuni hevur verið nógv virksemi, og fjøldin hevur verið stór, sum hevur fyrireikað og eisini koyrt í øllum bygdunum í kommununi.
Í dag savnaðist Víkinga legan í Bowling høllini, har tað eitt nú varð sungið. Fleiri Víkinga sangir vóru á skránni, og tað var vorðið sum forsangarar. Millum hesar var borgarstjórin í Runavíkar kommunu Tórbjørn Jacobsen, sum hevur yrkt ein av Víkinga sangunum. Hinir vóru sangfuglarnir Flemming Petersen, Pætur Zachariasson og Bárður á Lakjuni.
Víkinga ferðalagið hevur í góðveðrinum ferðast í bussum og bilum úr Leirvík og Gøtu og suður í høvuðsstaðin. Lutfalsliga eru tað fleiri viðhaldsfólk úr Eysturkommunu í høvuðsstaðnum í dag, enn tað eru úr Klaksvík, men í tali eru fleiri klaksvíkingar og norðoyingar.
