Føroyska telefyritøkan Hey ávarar nú ímóti følskum SMS-boðum. Eftir øllum at døma hava fleiri føroyingar fingið eini SMS boð, sum siga, at tey hava vunnið í Euro Iphone Lotto, og síðan verða tey biðin um at senda ein teldupost til appleiphonepromo31@gmail.com fyri at móttaka vinningin.
- Hetta eru eini følsk boð, ið vilja snýta móttakaran. Vit viðmæla fólki at lata vera við at svara boðunum, sigur Hey Føroyar í dag.
Júst hesi SMS-boðini hava eisini verið í umferð uttanlands. Tað er ikki Apple, sum hevur sent boðini, men brotsmenn, ið vilja lumpa fólk til at senda sær pening.
