Tann 1. oktober búðu 48.391 fólk í Føroyum og tað eru 54 fólk færri enn 1. oktober 2010.
Tað vísir nýggjast uppgerðin hjá Hagstovuni.
Í tólv mánaðar skeiðinum frá 1. oktober 2010 til 30. september 2011 vórðu 601 børn fødd og 353 fólk doyðu.
Burðaravlopið var sostatt 251 fólk. ?
Men samstundis fluttu 1.586 fólk av landinum og bara 1.281 fluttu til Føroyar og tað gevur eina nettoflyting av landinum uppá 305 fólk.
Støðan er tann, at fólkatalið minkaði í 17 kommunum, men tað vaks, ella stóð í stað, í 13 kommunum. ?
Størsti fólkavøksturin upp á 74 fólk, var í Klaksvíkar Kommunu, haðani myndin er.
- Hetta kemst serliga av stórari nettotilflyting á 57 fólk.
Fólkatalið í Klaksvíkar kommunu er tó framvegis minni enn tað var fyri tveimum árum síðani.?
Størsta minkingin, sum var 33 fólk, var í Nes Kommunu. Tað sum serliga ger munin á Nesi, er at har var ein nettofráflyting á 42 fólk.
Hinvegin vaks fólkatalið vaks í Viðoy, Borðoy og í Streymoy.
Vøksturin í Streymoy er tó uttan fyri Tórshavnar kommunu, tí har minkaði fólkatalið 20 fólk, sigur Hagstovan.
Fólkatalið minkaði í trettan av oyggjunum.
Í Sandoy er fólkatalið nú komið nakað niður um 1300 fólk.
Í Kunoy er lutfalsliga stór minking, hóast koyrandi er til og frá.
Í Vágum, har fólkatalið hevur staðið í vøkstri seinnu árini, tykist nú at venda, so fólkatalið eisini har fylgir gongdini í landinum sum heild.
Størsti fólkavøksturin, sum var 83 fólk, var í Borðoy og størsta minkingin, sum var 44 fólk, var í Suðuroy.
Framhaldandi minkar fólkatalið á útoyggjunum. Størst er minkingin norðanfyri, í Kalsoy og Svínoy, umframt í Nólsoy.
