Hesi síðstu trý árini hava 175 sethús í Føroyum fingið sær hitapumpu. Tað staðfestir Jørgen Niclasen, landsstýrismaður í fíggjarmálum.
Tey, sum fáa sær hutapumpu, fáa mvg afturgoldið, og Rósa Samuelsen, løgtingskvinn fyri Sambandsflokkin, hevur spurt hann, hvussu nógv hava brúkt hendan møguleikan
Jørgen Niclasen sigur, at higartil hava 175 húski brúkt hendan møguleikan. Men tað loypir í eyguni, at næstan øll búgva í miðstaðarøkinum, og at talið á hitapumpum minkar alsamt, tess longri vit koma frá Havnini
Í 2017 vóru 26 umsóknir
Suðurstreymoy: 15 umsóknir,
Norðurstreymoy: 2 umsóknir,
Eysturoy: 5 umsóknir
Vágar: 4 umsóknir.
Í 2018 vóru 86 umsóknir
Suðurstreymoy: 37 umsóknir,
Norðurstreymoy: 14 umsóknir,
Eysturoy: 16 umsóknir,
Norðoyggjar: 10 umsóknir,
Vágar: 7 umsóknir og
Suðuroy: 2 umsóknir.
Í 2019, frá 1. januar til 1. oktober, hava verið 89 umsóknir
Suðurstremoy: 45 umsóknir
Norðurstreymoy: 9 umsóknir
Eysturoy: 23 umsóknir
Norðoyggjar: 4 umsóknir
Vágar: 5 umsóknir.
Og hesi árini hava fólk fingið tilsamans góðar 5,5 milliónir afturgoldið í mvg.
Í 2017: kr. 679.792
Suðurstreymoy: kr. 386.174
Norðurstreymoy: 43.569
Eysturoy: 153.034
Vágar: 97.015
Í 2018: kr. 2.378.022
Suðurstreymoy: kr. 983.118
Norðurstreymoy: kr. 285.055
Eysturoy: kr. 449.417
Norðoyggjar: kr. 290.628
Vágar: kr. 324.678
Suðuroy: kr. 45.126
Í 2019 hava frá 1. januar til 1. oktober: kr. 2.474.058
Suðurstreymoy: kr. 1.256.718
Norðurstreymoy: kr. 247.598
Eysturoy: 654.315
Norðoyggjar: 95.258
Vágar: 164.209
Suðuroy: 55.960
Sostatt er talið á teimum, sum fáa sær hitapumpu, veksandi og Jørgen Niclasen sigur, at hann arbeiðir við at leggja uppskot fyri Løgtingið, sum ber í sær, at skipanin verður longd eitt ár, har tey, sum fáa sær hutapumpu, fáa mvg afturgoldið.
