Myndugleikar og onnur geva nógv ráð um kost og rørslu, og Hilmar Jan Hansen heldur, at tað er blivið ov nógv av tí góða.??
- Heilsurákið er blivið hysteriskt. Góð ráð eru fín, men tað merkist meira sum ein hamari í høvdið, tá ið myndugleikar siga okkum, hvat vit skulu eta, og hvussu nógv vit skulu røra okkum, sigur Hilmar Jan Hansen.??
- Hvør skal bestemma, hvat vit øll skulu gera? Fólk skulu sjálvi sleppa av velja, hvat tey hava hug til. Tey skulu sleppa at siga ja takk ella nei takk. Tað valið skulu myndugleikar ella onnur ikki taka frá fólki, heldur hann.?
Jana Eidesgaard Thomsen, sum eigur venjingarmistøð, greiddi frá, hvussu fólk kunnu fáa eitt nýtt lív við at fara í holt við at venja og hugsa um kost.??
- Fólk kunnu sleppa undan heiligvági og sjúku, tá ið tey taka ímóti góðum ráðum um kost og fara at venja. Summi fara ikki í gongd, fyrr enn tey fáa eina ávaring frá lækna og kenna seg noydd at gera nakað við sína heilsustøðu, og tá taka tey gleðiliga ímóti góðum ráðum um bæði venjing og kost, sigur Jana Eidesgaard Thomsen. ??
Tey vóru tey bæði samd um, at fólk skulu sjálvi eiga valið um kost og venjing.
