Flestu arbeiðsgevarar gera alt fyri, at starvsfólkini kunnu fáa lønina útgoldna í so góðari tíð, at tey hava peningin á kontu til ólavsøkuna.
Upprunaliga ætlanin hjá Almannaverkinum var, at pensjónirnir ikki skuldu vera á kontu fyrr enn 30. Juli, also mánadagin eftir ólasvsøku.
Sum skilst hava fleiri pensjonistar strongt á Almannaverkið um at fáa pensjónina flutta fyrr, og Almannastovan upplýsir nú fyri Portalinum, at peningurin verður fluttur fríggjamorgunin 27. Juli.
- Um alt gongur væl, er peningurin komin á kontu fríggjamorgunin, verður sagt.
