Fleiri av teimum føroysku sildaskipunum hava fingið last Tey føroysku sildaskipini hava havt góðan fiskiskap norðanfyri. Skipini fóru út at leita beint fyri ólavsøku, og síðani tey raktu við sild í síðstu viku, hava fimm teirra fingið last.
Finnur Fríði, Tróndur í Gøtu og Jupiter eru á veg inn at landa umleið 2.500 tons í part. Tey verða inni í morgin, men fyrrapartin varð ikki endaliga avgjørt, hvar tey skuldu landa.
Fagraberg og Høgaberg hava landað ávikavist í Fuglafirði og í Íslandi. Teir høvdu fulla last.
