Í viðmerkingum til uppskotið hjá løgmanni sigur hann, at løgmaður ger sjálvur av, um hann flytur til Havnar.
– Landið útvegar honum tá hús, sum hann flytur inn í, og landið ber rakstrarútreiðslurnar av húsinum. Ongin mestikostnaður er ásettur í lógini fyri landsins útreiðslum til hesi hús. Hetta veldst um játtan og eina ítøkiliga meting av umstøðunum, sigur løgmaður og leggur afturat:
– Sum frálíður hevði besta loysnin verið, at ein tignarligur fastur løgmansbústaður varð fingin til vega, eitt nú sum tilmælt verður í álitinum frá 2005 um løgmanssetur í Hoyvík.
Landsstýrismenn útvega og gjalda sjálvir bústað, um teir flyta til Havnar. Men eftir greinini kunnu teir landsstýrismenn, sum eru úr Sandoynni, Suðuroynni ella av útoyggj fáa endurgjald fyri bústaðarútreiðslur, tó ikki meira enn 10.000 krónur mánaðarliga sbr. stk. 3. Heimilað er eisini løgmanni at veita endurgjald til landsstýrisfólk at búgva í Havn, hóast tey búgva, har landfast er, um serligar umstøður gera seg galdandi.
Frían bil – eisini skattafrían
Í uppskotinum hjá løgmanni er eisini ásett, at landið útvegar landsstýrismonnum bilar og samskiftisútgerð.
– Við kunngerð verður tryggjað, at bilar av sama slag verða útvegaðir, og at bilarnir, sum høvuðsreglu, bert verða brúktir bert verða brúktir í landsstýrismannastarvinum.
Ætlanin er seinni, áðrenn henda lóg fær gildi, at leggja fram eitt broytingaruppskot til skattalógina § 29, soleiðis at virðið av ókeypis bili til tænastunýtslu hjá løgmanni ella landsstýrismonnum ikki telist við í skattskyldugu inntøkuna.
Varðveita vunna pensjón + 15 prosent
Til stk. 7 er at viðmerkja, at landsstýrismenn hereftir bert fáa hetta pensjónsgjald. Aloftast fer gjaldið í pensjónsskipan, sum teir frammanundan hava.
Landsstýrismenn, sum verða settir eftir komandi løgtingsval, fáa 15 % útgoldið afturat lønini til privata pensjónsskipan.
Ásett er, at løgtingslógin kemur í gildi, eftir at nýtt landsstýrið hevur tikið við eftir komandi løgtingsval í eini roynd at bera so í bandi, at løgmaður og landsstýrismenn, sum nú sita, hava sum minst av ávirkan á egnu lønarviðurskifti.
Av skilhaldsgrundum er ásett, at landsstýrið sendir kunngerð út um gildiskomudagin og eisini í hesum sambandi ásetur, at gamla pensjónsskipanin fyri landsstýrismenn steðgar, men tó verður varðveitt, og at landsstýrismenn, sum hereftir verða settir, koma undir nýggju skipanina.landsstýrismannastarvinum. Ætlanin er seinni, áðrenn henda lóg fær gildi, at leggja fram eitt broytingaruppskot til skattalógina § 29, soleiðis at virðið av ókeypis bili til tænastunýtslu hjá løgmanni ella landsstýrismonnum ikki telist við í skattskyldugu inntøkuna.
Til stk. 7 er at viðmerkja, at landsstýrismenn hereftir bert fáa hetta pensjónsgjald. Aloftast fer gjaldið í pensjónsskipan, sum teir frammanundan hava. Landsstýrismenn, sum verða settir eftir komandi løgtingsval, fáa 15 % útgoldið afturat lønini til privata pensjónsskipan.
Fráfaringarlønin er ætlað at tryggja landsstýrismannin í skiftistíðini frá landsstýrismannaembætinum, til løgtingsmanna ella borgarliga starvið tekur við. Men tá ið tikið verður við slíkum starvi, eigur at verða mótroknað í landsstýrismannalønini.
Nr. 3. Avtøkan er ein avleiðing av, at borðfæ og kostnaðarendurgjald verður avtikið.
Nr. 4. Sum er, er prísvøksturin í samfelagnum lítil, men til tíðir eru stórir prísvøkstir. Av hesi grund er neyðugt, at húsaleiguloftið fyri landsstýrismenn kann verða javnað. Skotið verður upp, at hetta fylgir javningini fyri sosialum veitingum. Nr. 5. Illa fer at bera til at gera seg inn á vunnin rættindi hjá landsstýrismonnum, sum nú sita. Teir varðveita tí hesi rættindi, tó so, at starvsaldurin steðgar at telja, tá ið broytingin fær gildi. Broytingin færgildi, tá ið nýtt landsstýrið tekur við eftir løgtingsval, og skrivast má tá út kunngerð við úrgildisdagfesting fyri, nær gamla pensjónsskipanin fer úr gildi. Landsstýrismenn, sum framhaldandi sita eftir komandi løgtingsval, fáa hereftir 15 % útgoldið afturat lønini til privata pensjónsskipan. Í stk. 3 er ásett ein serregla fyri tænastumenn, av tí at tað kann verða tvørligt hjá teimum at stovna eina privata pensjón við síðuna av tænastumannapensjónini.
Ásett er, at løgtingslógin kemur í gildi, eftir at nýtt landsstýrið hevur tikið við eftir komandi løgtingsval í eini roynd at bera so í bandi, at løgmaður og landsstýrismenn, sum nú sita, hava sum minst av ávirkan á egnu lønarviðurskifti. Av skilhaldsgrundum er ásett, at landsstýrið sendir kunngerð út um gildiskomudagin og eisini í hesum sambandi ásetur, at gamla pensjónsskipanin fyri landsstýrismenn steðgar, men tó verður varðveitt, og at landsstýrismenn, sum hereftir verða settir, koma undir nýggju skipanina.
