Christian Stocker, leiðari í konservativa flokkinum í Eysturríki, ÖVP, varð í dag tikin í eið sum nýggjur samveldiskanslari.
Hósdagin kunngjørdu ÖVP, javnaðarflokkurin SPÖ og liberali Neos, at teir skipa samgongu í Eysturríki.
Tað merkir, at Frælsisflokkurin, sum er ímóti tilflyting, FPÖ, verður verandi í andstøðu.
Høgravendi FPÖ gjørdist størsti flokkur á valinum í september.
FPÖ hevur roynt at skipa stjórn, men tað hevur ikki eydnast at fáa hinar flokkarnar við.
Nú verður tað Stocker, sum stendur á odda fyri fyrstu tríflokkastjórnini, sum Eysturríki hevur havt síðani seinast í 1940-árunum.
Hetta ger enda á longstu bíðitíðini eftir eysturríkskari stjórn síðani seinna heimsbardaga.
Ritzau/Reuters
