Kappróðrarfelagið NSÍ er tað besta í landinum. Í hvussu so er tá ið tað snýr seg um kappingina millum menninar.
Í dag var eingin ivi, tá ið 10-mannaførini róðu. Eysturoyingur legði seg beinanvegin framum hinar, og hann var fremstur allar 2000 metrarnar.
Spurningurin, um talan kann gerast um kapping, er framvegis ósvaraður. Vestmenningur megnaði í dag at koma á mál eina stóra bátslongd aftanfyri Eysturoying.
Um tað er tí, at vestmenningar eru vornir stinnari, ella um tað er tí teir á Eysturoyingi bíða eftir tættari kapping, ber ikki til at siga. Tað fer kanska at vísa seg á Fjarðastevnu, sum verður næsta vikuskifti.
Varmakelda 2007 - 10 mannafør
1 Eysturoyingur 09:06.10
2 Vestmenningur 09:10.04
3 Havnarbáturin 09:27.22
Støðan í FM - 10 mannafør
1 Eysturoyingur 28
2 Vestmenningur 20
3 Havnarbáturin 12
Fyribils startrøðin á komandi stevnu
1 Vestmenningur
2 Eysturoyingur
3 Havnarbáturin
