Klokkan 13.30 í dag hevur Føroya Kommunufelag eykaumboðsráðsfund.
Fremst uppgáva hjá fundinum verður at taka støðu til uppskotið hjá starvsnevndini um at broyta viðtøkurnar fyri felagið.
Onkrar av teimum stóru kommununum hava rumblað við at gera nýtt felag, tí tær halda seg hava ov lítla ávirkan.
Hesum er lagt upp fyri í uppskotinum um at broyta viðtøkurnar. Í staðin fyri at velja ein stýrislim fyri hvørja sýslu er uppskotið nu, at kommunur yvir 1000 fólk í Norðuroyggju, Eysturoynni, Streymoynni og Suðuroynni velja sín lim, og tær smærru sín lim.
- Hetta er ein roynd, og eg vóni, at uppskotið verður samtykt, men málið kann altíð takast uppaftur á umboðsráðsfundinum í februar, sigur Jógvan Mørkøre, formaður í felagnum.
