Hittmakarin Eyðun Nolsøe hevur lagt tveir sangir frá sínari komandi útgávu á netið. Heitislagið So Nógvar Røddir er annað lagið, sum nú kann hoyrast á netinum
Í vár kemur Eyðun Nolsøe við nýggjari solofløgu, men longu nú ber til at hoyra tveir av sangunum, ið eru at finna á nýggju útgávuni.
Eyðun Nolsøe hevur nevniliga lagt sangirnar Hálvgum Tólv og So Nógvar Røddir á sína nýggju Myspace-síðu.
Sangin So Nógvar Røddir framførdi Eyðun á Prix Føroyar finaluni í 2005, meðan hin sangurin ikki hevur verið stórvegis spældur alment áður. Nú ber til at hoyra báðar sangirnar í nýggjum studioupptøkum.
Sangirnir kunnu hoyrast við at vitja adressuna www.myspace.com/eydunnolsoe
