John McCain er eftir øllum at døma ikki avhildin maður hesumegin Atlantshavið. Í øllum førum vísir ein meiningakanning, at í Bretlandi, Fraklandi, Týsklandi, Italia og Russlandi vilja fólk nógv heldur hava Barrack Obama til amerikanskan forserta aftan á valið í heyst.
Samanumtikið siga 52 prosent av teimum spurdu, at tey vilja hava Obama í Hvítu Húsini. Bara 15 prosent halda, at McCain eigur at flyta inn hagar.
Barrack Obama er serliga avhildin í Týsklandi og Fraklandi, har ávikavist 67 og 65 prosent vilja hava hann til amerikanskan forseta. Harðastu kappingina fær hann í Russlandi, har 31 prosent siga seg styðja Obama og 24 prosent McCain.
