Bæði føroyingaliðini sum kappast í EHF European League vóru í leiki í kvøld.
Hákun West av Teigum og liðfelagarnir í Füchse Berlin vunnu á útivølli stórsigur 34-22 á bosniska liðnum, Izvidac. Í steðginum var støðan javnleikur 13-13. Í seinna hálvleiki fekk heimaliðið ikki eitt bein til jørðina.
Füchse Berlin hevur fýra stig aftaná tveir dystir í bólki G.
Hákun skoraði trý mál.
Óli Mittún og liðfelagarnir í Sävehof tóku á heimavølli í Partille ímóti slovenska liðnum, Gorenje í bólki C.
Tað eydnaðist Sävehof at knógva ein 36-34 sigur heim. Í steðginum var Sävehof á odda 18-17.
Sävehof hevur fýra stig aftaná tveir teir fyrstu dystirnar í bólki C.
Óli skoraði eitt mál.
