Danmark fær stuðul frá størstu evropeisku londunum fyri at varðveita virðingina fyri fullveldinum hjá økjum og ríkjum.
Tað sigur Mette Frederiksen, forsætisráðfráfrú, eftir at vitja týska kanslaran, Olaf Scholz, og franska forsetan, Emmanuel Macron.
Grønland var ikki nevnt í innbjóðingini til tær báðar vitjanirnar. Men áhaldandi stríðið við amerikanska forsetan um Grønland varð umrøtt. Tað váttar Mette Frederiksen fyri donskum tíðindafólkum eftir vitjanina hjá Macron í París.
- Vit tosaðu sjálvandi eisini um danska kongaríkið og tey orðaskifti, sum eru í hesum døgum, sigur Mette Frederiksen og vísir til Grønland.
Hon heldur, at fundirnir seinastu dagarnar vísa stóran stuðul til Danmark.
- Tað haldi eg, at eg heilt sikkurt kann siga. Tað er breið undirtøka fyri Danmark í hesi støðuni, sigur Mette Frederiksen.
Seinastu dagarnar hevur hon fingist við lyndiplomati fyri at sameina Norðurlond og Evropa aftan fyri Danmark.
Fyrst við vitjanum av øllum norðurlendskum forsætisráðharrum í Danmark og síðani spennandi túri til Berlin, París og seinni í dag Brússel. Her skal hon hitta aðalskrivaran í NATO, Mark Rutte.
Úr samrøðunum við hinar ríkis- og stjórnarleiðararnar hevur Mette Frederiksen fingið ein týðandi boðskap, sum Danmark kann líta á í komandi samráðingum við amerikansku umsitingina:
- Tann sera greiði boðskapurin frá Norðurlondum til Evropa, men eisini frá vinum uttan fyri Evropa, er, at sjálvandi skal virðing vera fyri økinum og fullveldinum hjá ríkjum.
- Tað er ei avgerandi brikkur í altjóða samfelagnum, sigur Mette Frederiksen.
/Ritzau/
