Flokkurin vil nú nærkast ES, og tað merkir mest sannlíkt, at flokkur um stutta tíð verður talsmaður fyri ES-limaskapi.
Higartil er tað bara Sambandsflokkurin, sum hevur tónað reint flagg fyri limaskapi. Tjóðveldi er í síni náttúru ímóti, meðan Javnaðarflokkurin í síni náttúru átti at verið fyri slíkum millumtjóðasamstarvi, tí ein sosialdemokratiskur flokkur er ikki nationalur, men internationalur í síni grundhugsan. Tað er tí, at javnaðarfólkum dámar so væl at sygja »Internationala!«, sum stríðssangur floksins eitur.
Ísland hevur skift støðu. Noreg roynir alsamt at skifta støðu. Eftir eru Føroyar, ið dáma best at koma darlandi aftaná.
Okkurt bendir soleiðis á, at kjakið næstu árini kanska heldur fer at snúgva seg um samband við Evropa enn loysing frá Danmark...
